دمعي عليك فايض وين أكته
وتطيح دموم منه وي نكته
أناشد دوم واسأل وينك أنته
تعال الفاتحه أقراهه عليه
_________________
جـذب جفـي بعـدكم يـومي لأحد
وهواكم وينة حدة يو مالة حد
أنة لـو ما اجيـكم يوم الاحد
الأثنين أمن الصبح لطمو علية
__________________
انه بروحي مرارة علج بستك
ترد روحي لون بشفاك بستك
والك طار الكلب بجناح بس تك
كسر جنحة الهوة ومارد الية
__________________
العشك كاروكة يامة .. لولة بية
وفرني شلون فـــرة .. لولبية
احبهة وحبها خلـــة .. لولة بية
ارجف لون طاري الحب مر علية
_________________
حبك سرة بكل حشاي دورة
عزيز والك بالشريان دورة
ادا شكيت هاك الكلب دورة
ادا غيرك لكيت اعتب علية
________________
غمزتلي بعين صدك من شفتهة
وعسل تاخذ الوادم من شفتهة
على راسي لون حطت منشفتة
اطيب وما يضل كل مرض بية
________________
راح افرمت دليلي والغي رامه
واشيل شوك العشك منه وغرامه
عليك انت المخطط والغرامة
لان الله ذب حسنك فجأة عليه
________________
بعسر حالي ابد ما اكول ياسر
وعلى اسراري اكلك بعد ياسر
اذا عمار يمه انكتل ياسر
انكلب حمزه وتعال الحك عليه
________________