يا عازة الخوان عازتـــــــــها عازة
والما وراها اصياح وحشة الجنازة
لو ترش مو تيزاب لو تزرع الغام
اللحم خلة يروح اوصــــلك اعظام
متعني للعباس اشكي الهـــــظايم
الواشي كبلي بيوم بالحظرة نايم
عفية كلب ميلين من يســــمع ابجاي
لو من صخر هم جان لان وغدة ماي
يسألني البــطران حالك شلونة
الغاضب الله عليه هم ينشدونه
يسألني البطران اعربلي كـــان
حسبالة مثل العام كلبي بمكانة
شماتي مو شمات شماتي تسعة
والعاشر ازغيرون يأشر بصبعة
همك وهم الناس وهم هم الهموم
لو وحدة منهن بيك ما تكدر تكوم
لا تسأل اعلة الحال خليها سكتة
تسأل علة المكتول والكاتل انتة
جا شلي بالخــــــــــــوان والما ينفعون
عود امن اموت ايجون وية اليشيعون
حبك مرض بالروح وبدمي يسري ... غيرك فلاحبيت بس الله يدري
2-لا مسج لا مس كول لا حتى رنة ... ليش انتة هيچ وياي يا بعد اهلنة
3-هاك اخذ كل عظاي صفطها بيدك ... واحسبني دم محروم امشي بوريدك
4-بينه شكثر حسرات بينه شكثر هم ... وجيتك النا تصير لجروحي بلسم
5-هم تظن يوم انساك لا وحق ربك ... بوسط القلب محفور يالغالي اسمك
6-ريت الاحبه يكون سجينه بيدي ... كلما الوج عليه اكطع وريدي
جرحك يا بعد الروح بلقلب بات ... دكتوري جن جنون ومن شافه مات
الجواب
زين انت جرحك حار ويشوفه دكتور... جرحي ما تشوفه العين ولا يشوفه ناظور
7-خلي الحزن بالروح يسحگها للموت ... لن بعد مانلگاك مانسمع الصوت
العمر موش سنين ونعدها بحساب ... العمر كون ننام نصحة ويه الاحباب
8-لو للگمر خدين تشبه هالخدود ... تنجبر بي الافلاك وتحطه معبود
ولو للگمر خدين منك ضواهه ... جان اشرق ولاغاب بيها يتباهه
9-اهواي افكر بيك تجبرني روحي ... ريت الافكر بيه يداوي جروحي
الجواب:
زين انت عندك روح واجروحك تروح ... من عرفتك لليوم ما عندي غير النوح
انطيني مهلة انساك شتضنها سهله ... روحي بلياك ماضنها تحله
الجواب:
انطيني مهله انساك يالماتحبني ... ماريدك انا اليوم لو موتتني
سددت سهمك علي وصوبت بيه الروح ... كل الجروح تطيب بس هذا مايروح
الجواب
من سددت سهمي عليك سهمك سبقني ... جرحك ما درسنا عليه دكتوري كلي
10-جس النبض بايديك ياولفي تلقاه ... يلطم على الخدين ويجر ألف آه
11-اوكف وكع للكاع واتوجه وانهض ... ما بيه عظم اصيح رضني الدهر رض
ان جان الدهر خلاك تتوجه وتكوم ... انه ازحف عللكاع خلتني الهموم
12-گلبي انحفر بيه بير ودراجة مرمر ... ونارك يا حلو لطول بالگلب تسعر
13-خط الكتبتة وجاك من دمعي حبرة ... گلبك سلاني ونام بس گلبي شصبرة
14-حسبالك انا انساك , والكعبه غلطان ... جوه الجلد واللحم يعني انته شريان
15-يلتنشد اعله الحال حالي انلعب بيه ... الجسم ضل عودان بهدوم اغطيه