ابتدى قلبي يحبه والسهر جاء في المنام . .
من يجيه النوم اصلاً والقمر ناوي يجيه . . .
ابتديت احب واحلم واللي مثلي مايلام . .
والله إني بالمحبه قلت هذا اللي ابيه . . .
قبل اعرفه كان فجري لونه اشبه بالظلام . .
من عرفته والليالي لونها ماله شبيه . . .
إن تكلم قال قلبي آآآهـ ياحلو الكلام . .
ينتهي حكيه وأنـــا أجلس أنتظر شيء يحكيه . . .
إن سكت ارسل لعينه من عيوني الغرام . .
وارتبك في نظرتي والقى نفسي ذبت فيه . . .
إن تبسم آآآآخ منه ياحلاهـ الابتسام . .
هو شبيه البدر لا إلا هو ماله شبيه . . .
لمسته ياهي حنونه يلمس الطفل وينام . .
مره جاء يلمس يديني وضاعت اعلومي بيديه . . .
مشيته إيقاع هادئ حاله بحال الحمام . .
قلبه ابيض من نهار طيبته منه وفيه . . .
كلمته تهتز فيني كل حرف له مقام . .
كل جمله من كلامه تزدهر دنياي فيه . . .
كل نظره من عيونه كنها لقلبي وسام . .
كل بسمه من شفاته تقهر اللي مايبيه . . .
بس فيه برود طبع يقلب الدنيا غمام . .
يوم اجيه بشوق ميت وهو بروده محتويه . . .
والله إني ما احبه وين هذاك الكلام . .
والله إني ماهويته يـــاااااهـ قليله اهتويه . . .
كم سمعت الكلمه هذي ومرت مرور الكرام . .
ماتعبر عن غلاته ودي بشيء ابتديه . . .
والله إني من عشقته مالقيت له أي كلام . .
كل لغه في الكون تعجز تبتديه وتنتهيه . . .
بعد كل إللي ذكرته إللي مثلي هو يلام . .
وش اسوي القلب شافه قال ياويلي ابيه . .
المزاج